ACTIVIDADE LETRAS GALEGAS 2020
Ola nenos e nenas:
Que tal estades? Seguro que agora moito mellor porque podedes
saír un pouquiño á rúa todos os días.
Xa vos dixen na carta anterior que vos enviei que se está
achegando o día das Letras Galegas e que este ano vai ser un pouco distinto.
Vouvos propoñer outra actividade, unha actividade colaborativa cos nenos e
nenas doutros coles.
Recibín unha invitación do cole Saco e Arce de Toén onde nos
din que moi pretiño do noso cole hai unha rúa chamada Ricardo Carvalho Calero,
xusto o escritor homenaxeado no día das Letras Galegas, así que eu creo que
podemos colaborar na súa proposta.
Déixovos a súa carta para que vexades en que consiste.
Todos os que vos animedes a participar de xeito voluntario nesta actividade poderedes achegarvos a esa rúa e
facer alí unha pequena homenaxe a este gran escritor galego, pero sempre tendo
presente que continuamos nunha situación de alerta sanitaria e cumprindo
estritamente coas medidas de precaución axeitadas de distanciamento social que
nos dictan as autoridades pertinentes.
Teredes
que enviar a vosa tarefa antes do 17 de
maio ao correo dos vosos titores/as coma sempre facedes e os que queiran
colaborar co Ceip Saco e Arce de Toén
sería desexable que o enviaran tamén ao correo que aparece na súa carta: ceip.saco.arce@gmail.com indicando nome, curso e cole para que así saiban a quen
pertence.
Moitas grazas por axudarme sempre que volo pido. Un bico forte
e…..
ATA PRONTO AMIGUIÑOS.
LIBRIÑO
